თელავში "სოციალისტური საქართველოს" ყრილობა ჩაიშალა. ინფორმაციას ტელეკომპანია იმედი ავრცელებს.

ქრონიკის ინფორმაციით, სოციალისტური საქართველოს კახეთის ორგანიზაციის დამფუძნებელ ყრილობაზე პოლიცია მას შემდეგ გამოიძახეს, რაც მოძრაობის ერთ-ერთმა დამფუძნებელმა თემურ ფიფიამ მოქალაქეს, რომან ქევხიშვილს ფიზიკური შეურაცხყოფა მიაყენა, რის შედეგადაც ფიფია დააკავეს.

"ქვეყნის 20% ოკუპირებული არის და არ არის საქართველოში იმის დრო, რომ ჩვენ აქ პუტინს დავუკრათ ტაში. მე მოვედი მაისურით, რომელზეც საბჭოთა სიმბოლიკაა გადახაზული და ეს პუტინის მონები გაღიზიანდნენ სწორედ ამ მაისურით. მითხრეს, რომ არ შევსულიყავი შენობაში", ამბობს ქევხიშვილი.

სოციალისტური საქართველოს წევრის მხრიდან ყრილობაზე გაკეთდა ქსენოფობიური განცხადებებიც:

"საქართველო მართოს ქართველმა და არა სომეხმა და ებრაელმა."

თელავში, ყრილობის პარალელურად კონტრ-აქცია გამართეს გირჩისა და ახალი საქართველოს წარმომადგენლებმა. გირჩის წარმომადგენლის ტორესა მოსის თქმით, ისინი უპირისპირდებიან პროსაოკუპაციო მოწოდებებს კახეთში და ფიქრობენ, რომ იგივე უნდა გააკეთოს ხელისუფლებამაც:

"ჩვენ არ დავუშვებთ ღია პროსაოკუპაციო მოწოდებებს კახეთში, კერძოდ თელავში, რომელიც ყოველთვის იყო საქართველოს სახელმწიფოებრიობის ერთ-ერთი ბურჯი. ჩვენ მიგვაჩნია, რომ ხელისუფლება ამას უნდა დაუპირისპირდეს და შეეწინააღმდეგოს იმიტომ, რომ ეს საფრთხეს უქმნის საქართველოში კონსტიტუციურ წესრიგს."

სუს შსს-ს მოუწოდებს, არ დაუშვას კომუნისტური, ტოტალიტარული სიმბოლიკის გამოყენება