"ახლა ვცხოვრობთ უფრო თავისუფალ ქვეყანაში ვიდრე აქამდე ვცხოვრობდით",- ასე შეაფასა პარტია გირჩის საპრეზიდენტო კანდიდატმა, ზურა ჯაფარიძემ საკონსტიტუციო სასამართლოს გადაწყვეტილება, რომლის თანახმადაც მარიხუანას მოხმარება ლეგალური გახდა და ადმინისტრაციული სანქცია გაუქმდა.

ზურაბ ჯაფარიძემ აღნიშნა, რომ სასამართლომ კიდევ ერთხელ ხაზი გაუსვა ადამიანის თავისუფლების მნიშვნელობას.

დღეს, 30 ივლისს საკონსტიტუციო სასამართლომ პარტია გირჩის წევრების სარჩელი დააკმაყოფილა, რითაც მარიხუანის მოხმარებისთვის ადმინისტრაციული სასჯელის გააუქმა.

მოსარჩელეთა განმარტებით, მარიხუანის მოხმარება წარმოადგენს პიროვნების თავისუფალი განვითარების უფლებით დაცულ სფეროს.

სარჩელის ავტორები აღნიშნავენ, რომ მარიხუანის მოხმარებით შესაძლოა ზიანი მიადგეს მხოლოდ მისი მომხმარებლის ჯანმრთელობას, რომელიც თავადვე იქნება პასუხისმგებელი დამდგარ შედეგზე.