ეკვადორის პრეზიდენტის, ლენინ მორენოს თქმით, WikiLeaks-ის დამფუძნებელს, ჟულიან ასანჟს ლონდონში, ეკვადორის საელჩოს შენობის დატოვება მოუწევს, რომელშიც ასანჟი 2012 წლიდან იმყოფება.

ეკვადორის პრეზიდენტს არ დაუკონკრეტებია თარიღი თუ როდის მოუწევს ასანჟს შენობის დატოვება, თუმცა მისი თქმით, ეს გადაწყვეტილება მან ბრიტანეთის ხელისუფლებასთან კონსულტაციის შემდეგ მიიღო.

იანვარში, ეკვადორმა ასანჟს მოქალაქეობა მიანიჭა. მას შემდეგ, რაც ასანჟმა ეკვადორის მოქალაქეობა მიიღო, ლონდონის სასამართლომ ძალაში დატოვა მისი დაკავების ორდერი. ბოლო სასამართლო ასანჟის საქმეზე თებერვალში გაიმართა და სასამართლომ ძალაში დატოვა დაპატიმრების ორდერი, რომელიც თავდაპირველად 2012 წელს მიიღეს.

ასანჟს ბრიტანელი სამართალდამცავები 2012 წელს სასამართლო დადგენილების დაუმორჩილებლობისა და სამართლისგან მიმალვას ედავებიან. ასანჟს მას შემდეგ დააპატიმრებენ, რაც იგი საელჩოს შენობას დატოვებს.

ჟულიან ასანჟი ცნობილი საიტის WikiLeaks-ის დამფუძნებელია. საიტი წლების განმავლობაში აქვეყნებდა სხვადასხვა სახის სახელმწიფო საიდუმლო ინფორმაციას, საჯარო პირების პირად მიმოწერასა და სხვა სახის ინფორმაციას.

ასანჟის სამართლებრივი დევნა შვედეთში დაიწყო, სადაც მას სექსუალური შევიწროვებასა და ძალადობას ერთდროულად რამდენიმე ქალი ედავებოდა. სასამართლო დადგინილება, რომელიც ბრიტანულმა სასამართლომ ამ საქმეებზე გამოიტანა.

ასანჟის დაპატიმრების შემდეგ იგეგმებოდა მისი გადაცემა შვედესთვის, თუმცა მან თავი ლონდონში, ეკვადორის საელჩოს შენობას შეაფარა და შენობის ტერიტორია მას შემდეგ არ დაუტოვებია.