მეცნიერებმა მარსზე წყლის მასის არსებობის დამადასტურებელი საბუთი აღმოაჩინეს. ისინი დარწმუნებულნი არიან, რომ პლანეტის სამხრეთ ნაწილში, ყინულის საფარის ქვეშ დაახლოებით 20 კმ სიგრძის ნაპირის მქონე ტბაა განლაგებული.

მარსზე არსებული და მოგვიანებით გამქრალი ტბების ღრმულები აქამდეც შესწავლილი ჰქონდა ნასას Curiosity-ს. როვერმა ისიც გვაჩვენა, რომ წარსულში მარსის ზედაპირზე წყალი ნამდვილად არსებობდა.

როგორც ჩანს, ტემპერატურის ვარდნამ წყლის დიდი მასა ყინულის ქვეშ "გამოკეტა".

აღმოჩენას სარადარო ინსტრუმენტს, Marsis-ს უნდა ვუმადლოდეთ, რომელიც Mars Express-ის ორბიტალურ აპარატზეა მიმაგრებული. ჯერჯერობით უცნობია, წყლის რა მასშტაბებზეა საუბარი, თუმცა მკვლევრების გუნდის ვარაუდით, ტბა მინიმუმ ერთი მეტრი სიღრმის უნდა იყოს.