პაკისტანში საპარლამენტო არჩევნების მიმდინარეობისას ქალაქ კვეტაში აფეთქება მოხდა, რის შედეგადაც 31 ადამიანი გარდაიცვალა, ხოლო 30-ზე მეტი ადამიანი მძიმედ დაშავდა, წერს CNN. ქვეყანაში არჩევნები გაძლიერებული დაცვის ფონზე მიმდინარეობს.

როგორც ქალაქის პოლიციის ხელმძღვანელი ამბობს, აფეთქების მიზეზი უცნობია. თუმცა თავდასხმა საკუთარ თავზე ისლამურმა სახელმწიფომ უკვე აიღო.

არჩევნებისთვის უსაფრთხოების ზომები მას შემდეგ გამკაცრდა, რაც ამავე რეგიონში 16 ივლისს თვითმკვლელი ტერორისტის მიერ 150 ადამიანი დაიღუპა. ამის შემდეგ არჩევნების გადადებაზეც კი იყო საუბარი.