ქართული ოცნების დამფუძნებლისა და თავმჯდომარის, ბიძინა ივანიშვილის თქმით, მისი პოზიციაა, რომ საპრეზიდენტო კანდიდატი გუნდიდან არ დაასახელონ. ამის შესახებ მან საზოგადოებრივი მაუწყებლის ეთერში განაცხადა.

"ქართული ოცნების წევრებს აქედანაც ველაპარაკები, ვინც წინააღმდეგები არიან და არ იზიარებენ ჩემს პოზიციას, თუ გვსურს რომ საქართველო დემოკრატიული მიმართულების სწრაფად განვითარდეს და დემოკრატიული ინსტიტუტებიც გაღრმავდეს, მე პოზიცია მაქვს, რომ გუნდიდან არ დავასახელოთ საპრეზიდენტო კანდიდატი", - თქვა ბიძინა ივანიშვილმა.

მისი თქმით, მისი პოზიციაა, რომ დამოუკიდებელ ღირსეულ კანდიდატს დაუჭირონ მხარი და თუ ასეთი არ იქნება, არავის დაუჭირონ მხარი და "ოპოზიციამ გაინაწილოს ეს ინსტიტუტი".

ერთ-ერთი ასეთი კანდიდატი, რომელიც ქართული ოცნების წევრი არაა და მედიაში მის შესახებ ვრცელდება ინფორმაცია პარლამენტის უპარტიო დეპუტატი, სალომე ზურაბიშვილია.