ქარელის მუნიციპალიტეტის სოფელ რუისთან ავარიის შედეგად ერთი პირი გარდაიცვალა, ერთი კი მძიმედ დაშავდა. ინფორმაცია On.ge-ს შინაგან საქმეთა სამინისტრომ დაუდასტურა.

უწყების ცნობით, ავტომობილი ორ ქალს დაეჯახა. დაშავებული პირის ჯანმრთელობის მდგომარეობა უცნობია, თუმცა ის ამჟამად სამედიცინო დაწესებულებაშია გადაყვანილი. წინასწარი ინფორმაციით, ავტომობილის მძღოლს საჭესთან ჩაეძინა და სწორედ ეს გახდა ავტოსაგზაო შემთხვევის მიზეზი.

შსს-ს ინფორმაციით, საქმეზე გამოძიება საქართველოს სისხლის სამართლის კოდექსის 276-ე მუხლის მეხუთე ნაწილითაა დაწყებული. აღნიშნული მუხლის მიხედვით, ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ადამიანის სიცოცხლის მოსპობა, ითვალისწინებს თავისუფლებს აღკვეთას ვადით ოთხიდან შვიდ წლამდე.