ზაზა სარალიძემ პროკურატურაში შეხვედრის შემდეგ ჟურნალისტებს განუცხადა, რომ შეხვდა ახალ გენერალურ პროკურორს, შალვა თადუმაძეს, რომელიც დაპირდა, რომ ხორავას ქუჩაზე მომხდარი მკვლელობის საქმეს პირად კონტროლზე აიყვანს. მისი თქმით, რადგან თადუმაძისთვის ეს პირველი სამუშაო დღე იყო, ის ულტიმატუმებით ვერ დაელაპარაკებოდა.

სარალიძის თქმით, ის სხვა პროკურორებს დღეს არ შეხვედრია:

"სამწუხაროდ, საქმის ახალი პროკურორები ვინც არიან არ გამოცხადდნენ შეხვედრაზე, ვისთანაც კონკრეტული კითხვები მქონდა, ასე რომ, კონკრეტული პასუხები ამ ეტაპზე ვერ მივიღე".