პატრიოტთა ალიანსის ლიდერის, ირმა ინაშვილის თქმით, თავდაცვის სამინისტრომ უფრო მეტი საინფორმაციო პოლიტიკა უნდა გაატაროს, რათა წვევამდელები "პოლირიკურ-რელიგიური სექტანტიზმის" ქვეშ არ მოექცნენ. ინაშვილმა "პოლირიკურ-რელიგიური-სექტანტიზმში" გირჩის რელიგიური ორგანიზაცია ბიბლიური თავისუფლება იგულისხმა.

კანონის მიხედვით, სასულიერო პირებს შეუძლიათ სავალდებულო სამხედრო გაწვევაზე უარი თქვან. ბიბლიური თავისუფლება კი ახალგაზრდებს, რომელთაც სავალდებულო სამხედრო სამსახურში მსახურება არ უნდათ, მის გადავადებაში ეხმარება.

ირმა ინაშვილს მიაჩნია, რომ "არ ემსახურო შენს სამშობლოს" კონსტიტუციური მოთხოვნის იგნორირებაა და ეს სახიფათო ტენდენციაა. ამის შესახებ ინაშვილმა პარლამენტში მთავრობის ახალი შემადგენლობის მოსმენისას განაცხადა.

"თქვენ, მთავრობის წევრები, ამას უყურებთ და ვითომ არაფერი. ასე არ გამოვა ჩემო ძმებო, ვითომ არაფერი და ამასობაში 5 ათასიდან 7 ათასამდე უარს ამბობს სამხედრო სავალდებულო სამსახურზე. ეს არის პირდაპირ გულში დარტყმა ქართული სახელმწიფოსთვის", - განაცხადა ინაშვილმა.