Reuters-ის ინფორმაციით, ე.წ. ისლამური სახელმწიფო ვიდეოს ავრცელებს, რომელშიც თავის წევრებს მოუწოდებს, ჯიჰადი რუსეთის წინააღმდეგ განახორციელონ:

"მოგვისმინე, პუტინ! ჩვენ მოვალთ რუსეთში და მოგკლავთ თქვენ თქვენსავე სახლებში".

გამოცემის ცნობით, გავრცელებულ ვიდეოში ჩანს, რომ ISIS-ის შეიარაღებული წევრები თავს ესხმიან შეიარაღებულ მანქანებს და უდაბნოში იარაღს აგროვებენ. მიუხედავად იმისა, რომ უცნობია, ISIS-მა ამ ეტაპზე სწორედ რუსეთი რატომ აირჩია პოტენციურ სამიზნედ, ცნობილია, რომ რუსეთსა და აშშ-ს სირიაში ისლამური სახელმწიფოსა და ალ-ქაიდას წინააღმდეგ ბრძოლის გაძლიერება ჰქონდა დაგეგმილი.

თავის მხრივ, ISIS-მა კი მოუწოდა თავის წევრებს, შესაბამისი ზომები ნებისმიერი ხელმისაწვდომი იარაღის მეშვეობით მიიღონ და ორიენტირება იმ ქვეყნებზე გააკეთონ, რომელსაც დაჯგუფება ებრძვის.

გავრცელებული ვიდეოს ავთენტურობა ჯერ დადასტურებული არ არის, თუმცა, გამოცემის თქმით, ამ ვიდეოს ბმული Telegram-ის მესინჯერის ექაუნთის საშუალებით გამოქვეყნდა, რომელსაც ე.წ. ისლამური სახელმწიფო იყენებს.