გამოცდების ეროვნულმა ცენტრმა ვებგვერდზე შემთხვევით, სავარაუდოდ, სამაგისტრო გამოცდების სამომავლო ტესტირების პასუხები რამდენიმე წუთით გამოაქვეყნა. საუბარია მაგისტრატურის B და C ტესტის ტიპებზე, რომელიც 18-19 და 24-25 ივლისს უნდა ჩატარდეს. 11-12 ივლისს A ტეტის ტიპის გამოცდა ჩატარდა.

ტესტების პასუხების "სქრინები" სოციალურ ქსელში გავრცელდა. რამდენიმე მათგანი On.ge-მაც მოიპოვა. როგორც ერთ-ერთი სტუდენტი სოციალურ ქსელში წერს, B და C ტესტირების პასუხები გამოცდების ეროვნული ცენტრის ვებგვერდზე რამდენიმე წუთის განმავლობაში იდო, სტუდენტებმა პასუხების "დასქრინვა" მოასწრეს. ამ ეტაპისთვის ტესტირებების პასუხები ვებგვერდზე არ იძებნება.

განახლება: გამოცდების ეროვნულ ცენტრში აცხადებენ, რომ გასაჯაროებული პასუხები სწორი რომ არ არის, ამის შესახებ აბიტურიენტები გამოცდაზე დარწმუნდებიან.

შესწორება: მასალის სათაურის თავდაპირველ ვერსიაში სიტყვა "სავარაუდოდ" არ ეწერა, რაც მასალის გამოქვეყნებიდან რამდენიმე წუთში ჩაემატა.