გასულ კვირას ოსკარისა და ოქროს გლობუსის ნომინანტი რეჟისორი დარენ არანოვსკი მეგობრის მოწვევით საქართველოს სტუმრობდა. მიუხედავად იმისა, რომ ის ჟურნალისტებთან შეხვედრას არ გეგმავდა, საქართველოს კინოცენტრის თხოვნით, ის მედიას ერთი საათით მაინც შეხვდა და საქართველოს შესახებ შთაბეჭდილებები გაუზიარა.

რეჟისორმა აღნიშნა, რომ ის თბილისის გარდა ყაზბეგსა და ჭიათურაში იმყოფებოდა. განსაკუთრებული შთაბეჭდილება კი ჭიათურამ მოახდინა. როგორც რეჟისორმა თქვა ეს ქალაქი მისთვის კინემატოგრაფიულად ძალიან საინტერესო აღმოჩნდა .

"საქართველო არის შთამბეჭდავი ქვეყანა სტუმართმოყვარე ხალხით და ვფიქრობ, რომ აქ კვლავ დავბრუნდები, შესაძლოა პროფესიული კუთხითაც", - თქვა რეჟისორმა.