არასამთავრობო ორგანიზაცია საერთაშორისო გამჭვირვალობა საქართველო (TI) ხელისუფლების პიარ ღონისძიებებისა და რეკლამის ხარჯების შესახებ კვლევას აქვეყნებს. კვლევის თანახმად, მთავრობის ადმინისტრაციამ 2010-2017 წლებში რეკლამის განთავსება დაუკვეთა ისეთ მედიასაშუალებებს, როგორიცაა ასავალ დასავალი, ალია და For.ge.

TI-ში ამბობენ რომ, ასავალ დასავალი და ალია სიძულვილის ენით გამოირჩევიან, ღიად ავრცელებენ ქსენოფობიურ თუ ჰომოფობიურ განცხადებებს და ანტიდასავლურ კამპანიაში არიან ჩართულნი. მათივე თქმით, საინფორმაციო-ანალიტიკური პორტალი For.ge საზოგადოებრივი მაუწყებლის სამეურვეო საბჭოს ქართული ოცნების მიერ არჩეული წევრის, გიორგი (გია) იაკობაშვილის მიერაა დაფუძნებულ

TI-ს განცხადებით, რომ მთავრობის ადმინისტრაციიდან არ მიაწოდეს დეტალური ინფორმაცია იმის შესახებ თუ რომელ წლებში თანამშრომლობდნენ კონკრეტულ მედიასაშუალებებთან და რა ღირებულების კონტრაქტების ჰქონდა მათთან დადებული.

კვლევის თანახმად, ქართული ოცნების ხელისუფლებაში მოსვლის შემდეგ 2013 წლიდან 2017 წლის ოქტომბრის ჩათვლით, საჯარო უწყებებმა პიარ აქტივობებსა და რეკლამაში 98 მილიონ 480 ათას ლარზე მეტი დახარჯეს.