საქართველოს დევნილთა და განსახლების მინისტრს, სოზარ სუბარს მიაჩნია, რომ ნენსკრა ჰესი აშენებული რომ ყოფილიყო ადიდებულ მდინარეს შეაკავებდა. ამის შესახებ სუბარმა ჟურნალისტებთან საუბრისას განაცხადა.

საგანგებო სიტუაციების მართვის სააგენტოს ინფორმაციით, არ იგეგმება ევაკუაცია, რადგან არ არსებობს სტიქიის განმეორების საშიშროება. უწყებაში აღნიშნავენ, რომ ადგილი ვერტმფრენით უკვე დაათვალიერეს და დასკვნას დაკვირვების შედეგებზე დაყრდნობით აკეთებენ.

მესტიის მუნიციპალიტეტის სოფელ ჭუბერში, იქ სადაც ნენსკრა ჰესი შენდება, დღეს, 5 ივლისს მთის ნაწილი ჩამოიშალა, რამაც ღვარცოფი გამოიწვია. საგანგებო სიტუაციების მართვის სამსახურის განცხადებით, მთის ნაწილის ჩამოშლა უხვმა ნალექმა გამოიწვია.