შინაგან საქმეთა სამინისტროში ზაზა სარალიძის შეხვედრა დასრულდა. როგორც სარალიძემ განაცხადა, სამინისტროში პირობა მისცეს, რომ კვირის ბოლომდე რადიკალურ ნაბიჯებს გადადგამენ. სარალიძე არ აკონკრეტებს რა იგულისხმება რადიკალურ ნაბიჯებში. მისი თქმით, არ უნდა ხელი შეუშალოს ამ ნაბიჯების განხორციელებას.

სარალიძე ამბობს, რომ შეხვედრით კმაყოფილია და ის დატოვებს შსს-ს ტერიტორიას. მისივე თქმით, კვირის ბოლომდე დაელოდება შედეგს.

სარალიძე შსს-ს ეზოში გუშინ, 2 ივლისს მას შემდეგ დარჩა, რაც კრიმინალური პოლიციის ხელმძღვანელს შეხვდა. სარალიძე მოითხოვს, რომ დააკავონ მიხეილ კალანდია, რომელსაც მისი შვილის მკვლელად მიიჩნევს. სარალიძემ ღამე შსს-ს ეზოში გაატარა.