ხვალ რომ საპარლამენტო არჩევნები ტარდებოდეს, NDI-ის მიერ გამოკითხულთა 38 პროცენტმა არ იცის ვის მისცემდა ხმას. ეს კითხვა ამომრჩევლებს NDI-მ დაუსვა.

გამოკითხულთა 17 პროცენტი პირველ არჩევნად ქართულ ოცნებას ასახელებს, 13 პროცენტი კი - ნაციონალურ მოძრაობას. პაატა ბურჭულაძის პარტიას ხმას მისცემდა 4 პროცენტი, ირმა ინაშვილის პატრიოტთა ალიანსს კი - 3 პროცენტი.

პასუხზე უარი განაცხადა გამოკითხულთა 14 პროცენტმა, არცერთ პარტიას არ მისცემდა ხმას გამოკითხულთა 5 პროცენტი, ხოლო სხვა პარტიებმა ჯამში დააგროვეს 7 პროცენტი.

NDI-ის კვლევის საველე სამუშაოები CRRC- საქართველომ ჩაატარა 2016 წლის 8 ივნისიდან 6 ივლისის პერიოდში. სულ მომზადდა 4 113 დასრულებული ინტერვიუ. განხორციელდა წარმომადგენლობითი შერჩევა ქვეყნის მასშტაბით, ამასთან, დამატებითი წარმომადგენლობითი შერჩევა თბილისში, ქალაქისა და სოფლის ტიპის დასახლებებში, ეროვნული უმცირესობებით მჭიდროდ დასახლებულ რეგიონებში. კვლევის საშუალო ცდომილების ზღვარი არის +/- 2,1%.