არსენალის ყოფილი მცველის ემანუელ ებუეს თქმით, იგი ბედნიერია, რომ ტურემ მანჩესტერ სიტი დატოვა, რადგან გვარდიოლა მის კარიერას ანადგურებდა.

ბარსელონადან სიტიში გადასვლის შემდეგ იაია ტურე ქალაქელთა წარმატების ერთ-ერთი მთავარი შემოქმედი გახდა. თუმცა ამას ბოლო სეზონებზე ნამდვილად ვერ ვიტყვით. ანუ, იმ სეზონებზე, რომელშიც მანჩესტერელთა მთავარი მწვრთნელი პეპ გვარდიოლაა.

"ყველასთვის ცხადი იყო, რომ ბარსელონაში ყოფნისას პეპ გვარდიოლას იაია ტურე არ მოსწონდა. ტურემ სწორი გადაწყვეტილება მიიღო, როცა მისი ტერიტორია დატოვა, რადგან იგი მის კარიერას უბრალოდ ანადგურებდა".

"ვფიქრობ, იაიასთვის ბოლო სეზონი ნამდვილი ჯოჯოხეთი იყო, რადგან არასაკმარისი დრო ეძლეოდა. ეს კი პროფესიონალი ფეხბურთელისთვის საშინელებაა", - აღნიშნა ებუემ.