საიას ინფორმაციით, ტელეკომპანია მაესტროს მათ მიერ მომზადებული სოციალური რგოლის განთავსება დაევალა.

დღეს კომუნიკაციების ეროვნულმა კომისიამ დააკმაყოფილა საია-ს საჩივარი და ტელეკომპანია მაესტროს საია-ს მომზადებული სოციალური რეკლამის ეთერში განთავსება დაავალა.

რეკლამა ადრეულ ასაკში ქორწინების უარყოფითი მხარეების შესახებ საზოგადოებრივი ცნობიერების ამაღლებას ისახავს მიზნად.

საიას ცნობით, მაესტრომ რეკლამის განთავსების ოფიციალურ მიზეზად მაესტროსა და საქართველოს ახალგაზრდა იურისტთა ასოციაციას შორის "ბოლო დროს განვითარებული მოვლენები" დაასახელა:

"სავარაუდოდ, მაესტრო ბოლო დროს განვითარებულ მოვლენებში გულისხმობდა იმ ფაქტს, რომ საია მწვავედ გამოეხმაურა მაესტროს 32 თანამშრომლისთვის შრომითი ურთიერთობების დაუსაბუთებლად შეჩერების ფაქტს".

საიას თქმით, მისი საჩივრის განხილვისას, მაესტროს წარმომადგენელმა განმარტა, რომ მაესტრო უარს რეკლამის განთავსებაზე იმიტომ ამბობდა, რომ ვიდეო რგოლი არ წარმოადგენდა სოციალურ რეკლამას.

კომისიამ დაადგინა, რომ საიას მომზადებული ვიდეო რგოლი აკმაყოფილებდა სოციალური რეკლამისთვის კანონით დადგენილ მოთხოვნებს;

კომისიის გადაწყვეტილებით, მაესტრომ დაარღვია კანონი, როდესაც უარი განაცხადა რეკლამის ეთერში განთავსებაზე და დაავალა მაესტროს უზრუნველყოს რეკლამის ეთერში გაშვება.

საიას ცნობით, კომისიამ მაესტროს სოციალური რეკლამის განთავსების ვალდებულება და წესიც განუმარტა.