სექს-რობოტი, სახელად სამანტა, სექსზე უარს იტყვის, თუ უპატივცემულოდ მოეპყრობიან ან თავს უხასიათოდ "იგრძნობს".

სამანტას შემქმნელის, სერგი სანტოსის თქმით, მან რობოტისგან სექსზე თანხმობის მიღების ფუნქცია ცოლის მოთხოვნის შემდეგ დააყენა.

მდგომარეობა მას შემდეგ აქტიურდება, თუ რობოტის კანის ქვეშ დამონტაჟებული სენსორები პარტნიორისგან აგრესიას იგრძნობენ. მას ასევე აქვს საშუალება, უბრალოდ თქვას "არა", როცა მოესურვება.

სამანტა ტექ-გამოფენაზე გასულ წელს წარადგინეს. დამთვალიერებლები მას ბარბაროსულად ექცეოდნენ და დაზიანებული და დასვრილი დატოვეს.

უცნობია, როდის დაიწყება რობოტის გაყიდვა. მისი ფასი 4 700 დოლარიდან დაიწყება.