შეიარაღებული სამხედრო პირების მიერ სახელმწიფო გადატრიალების წარუმატებელი მცდელობისა და თურქეთის პრეზიდენტის, რეჯეპ ტაიპ ერდოღანის მიერ სამთვიანი საგანგებო მდგომარების გამოცხადების შემდეგ, ქვეყანაში ჯამში 130 მედია საშუალება დახურეს. ინფორმაციას CNN ადგილობრივ სააგენტოზე - Analodu-ზე დაყრდნობით ავრცელებს.

დახურულ მედია საშუალებებს შორისაა 45 გაზეთი, 16 ტელევიზია და სამი ახალი ამბების სააგენტოც. ამასთან, გასულ კვირას კი, ფეტულა გიულენთან შესაძლო კავშირის ბრალდებით, 30-მდე ადგილობრივ რადიოსა და სატელევიზიო კომპანიას შეუჩერეს ლიცენზიები.

გარდა ამისა, გამოცემის ცნობით, სამსახურიდან გაუშვეს 1700 ჯარისკაცი და 87 გენერალი.

Amnesty International-ის ინფორმაციით, ბოლო მონაცემები ასეთია:

  • გარდაცვლილია 208 ადამიანი, დაშავებულია - 1400
  • დაკავებულია 10 ათასი ადამიანი
  • 45 ათას ადამიანს ან შეჩერებული აქვს მუშაობის უფლება, ან გათავისუფლებულია სამსახურიდან
  • 42 ჟურნალისტის დაკავების ორდერია გაცემული, 6 მათგანი უკვე დაკავებულია
  • დახურულია 130 მედია საშუალება
  • ქვეყანაში სამთვიანი საგანგებო მდგომარეობაა გამოცხადებული

დეტალური ინფორმაცია თურქეთში მომხდარი სახელმწიფო გადატრიალების მცდელობისა და ამის შემდეგ განვითარებული მოვლენების შესახებ, შეგიძლიათ იხილოთ აქ: