პეტრე დერვიშაძე, პირი, რომელმაც რუსეთის სპეცსამსახურებთან თანამშრომლობა აღიარა, საქართველოში შინაგან საქმეთა სამინისტროსა და თავდაცვის სამინისტროს მიერ გამოცხადებულ ტენდერებს იგებს. ამის შესახებ მასალა სტუდია მონიტორმა გაავრცელა.

მომზადებული ვიდეომასალით ირკვევა, რომ დერვიშაძისა (შპს გლობალ თრეიდ გრუპ) და მისი ოჯახის წევრის, ინგა დევრიშაძის (შპს MAGIOLTD) კომპანიებმა ჯამში 4 100 000 ლარის ღირებულების ტენდერები მოიგეს. მასალაში აღნიშნულია, რომ თავდაცვისა და შინაგან საქმეთა სამინისტროებში მიზეზად დაბალი ფასი დაასახელეს, თვითონ დერვიშაძემ კი - საუბარი არ ისურვა.

სტუდია მონიტორის ინფორმაციით, პირებმა, რომლებმაც რუსეთის სპეცსამსახურთან, გრუსთან თანამშრომლობა არ აღიარეს, ქართულმა ოცნების ხელისუფლებამ პოლიტპატიმრის სტატუსით გაათავისუფლა.