საქართველოში სტუმრობისას ფრანგმა მწერალმა მიშელ უელბეკმა განაცხადა, რომ ქალთა უფლებები არათუ არ ირღვევა პირიქით, კაცების უფლებები დაავიწყდა ყველას. On.ge-ს კითხვას, თუ რას ფიქრობს კამპანიაზე #MeToo?, მწერალმა უპასუხა, რომ ბოლო 10 წლის მანძილზე ერთ-ერთი ყველაზე სულელური იდეაა იბრძოლო ქალთა უფლებებისთვის.

"ყველაზე საინტერესო ის არის, რომ ქალები ისედაც თვითონ წყვეტენ ყველაფერს და გადაწყვეტილებებსაც თვითონ იღებენ - როდის დაიწყება ურთიერთობა, როგორი იქნება ცხოვრება და როდის დასრულდება ურთიერთობა. გვყავდეს ბავშვი თუ არ გვყავდეს და ა.შ. კაცებს არავინ არაფერს ეკითხება, იმასაც კი არ ეკითხებიან რა აზრის არიან გარკვეულ საკითხებზე, თან იმდენად დიდი ხანია, რაც ასე ხდება, დაგვავავიწყდა კიდეც კაცები რას ვფიქრობთ", - ამბობს უელბეკი.

ნახეთ მიშელ უელბეკის პრეს-კონფერენცია თბილისი რუმსში:

#MeToo ქალების სექსუალურად შევიწროების წინააღმდეგ წამოწყებული კამპანიაა, რომელიც მსოფლიოს 100-მდე ქვეყანაში გავრცელდა.

მიშელ უელბეკი საქართველოს მესამე დღეა სტუმრობს. პრესკონფერენციაზე მან ახალი წიგნის პრეზენტაცია დააანონსა.