აუტანელი სიცხე და სხვა 10 მიზეზი, რის გამოც ზაფხული შეიძლება გეზიზღებოდეს

მე თუ მკითხავთ, არ არსებობს რეალური მიზეზი იმისათვის, რომ ზაფხული გიყვარდეს, თუმცა ობიექტურობისთვის უნდა ითქვას, რომ ივნისში, ივლისსა ან აგვისტოში დასვენება ძალიან კარგია.

რატომ არ მიყვარს ზაფხული? რადგან არსებობს მთელი რიგი პრობლემური საკითხები, რომელიც სერიოზულ დისკომფორტსა და უხერხულობას მიქმნის. ჟანგბადის ნაკლებობის გამო დაქვეითებული აზროვნების უნარის ფონზე კი ჩემთვის მათი გადაჭრა თითქმის შეუძლებელია ხოლმე.

ახლა დროა ზამთრის გუნდში გადაგიბიროთ და აუტანელ სიცხესთან ერთად, სხვა 10 მიზეზი ჩამოგითვალოთ, რის გამოც შეიძლება ადამიანების ნაწილს და მათ შორის მეც ზაფხული გვეზიზღებოდეს. აი ისინიც:

1. აუტანელი სიცხეა

და გიკვირთ რომ ვიღაცას ზაფხული არ უყვარს?!

2. კოღოების სამიზნე ვხდებით

და ის ერთი იღბლიანი და ნერვების მომშლელი მეგობარი, რომელსაც კოღო არასდროს კბენს.

3. თითქმის ყველა მანქანის კონდიციონერი თავიდან ცხელ ჰაერს უბერავს

მოგვიანებით ხო რას ამბობ.

4. საშინლად არაპროდუქტიული ხარ და ყველაფრის გაკეთება გეზარება

ნუ, ჭამის გარდა ყველაფრის.

5. იმდენ წყალს სვამ, რომ ყოველ 30 წუთში ტუალეტში გიწევს სიარული

მემგონი ჯობია, რომ პირდაპირ ტუალეტიდან ვიმუშაოთ.

6. შვებულებაზე ოცნებობ, რომელიც თუ გეღირსა, უცებ მთავრდება

დაახლოებით იგივე განცდაა, მშიერ კუჭზე ერთი ნაჭერი პიცა უნდა რომ უნდა ჭამო და ზუსტად იცი, მაინც მშიერი დარჩები.

7. ყველაფერი რაც ტყავისგან არის დამზადებული, წებოვანი და გულისამრევია

ისევე, როგორც ტელეფონის გაზეპილი ეკრანი, რომელიც თითის ანაბეჭრდს ვეღარ აღიქვამს.

8. ყოველ დილას, გაღვიძებამდე ცდილობ მზის სხივებს დაემალო, რომელიც იქამდე მოცოცავს შენთან ერთად, სანამ ლოგინიდან არ გადავარდები

თუ ფარდის ჩამოფარება დაგავიწყდა ხო განსაკუთრებულად ტრაგიკულად არის საქმე.

9. თუ გაცივდი და სიცხე გაქვს, მტრისას!

ვიცი, ამ დროს გინდათ. რომ საერთოდ ქვეყნიდან წახვიდეთ.

10. წყლის გადავლებას აზრი არ აქვს

ნუ სულ არაფერს ჯობია, მაგრამ მაინც ასეა.

11. ნაყინიც და შოკოლადიც მალე დნება და მთელი ოთახი ისვრება

არადა, თუ სწრაფად ჭამ ნაყინს, ტვინი გეთიშება.

ბოლო ამბები:

გირჩევთ