საგამოძიებო კომისიის სხდომაზე ზაზა სარალიძემ ეკა ბესელიას მიმართა და განაცხადა, რომ მან პირდაპირ დაადანაშაულა შვილის სიკვდილით პოლიტიკურ მანიპულირებაში მაშინ, როცა მმართველი გუნდის წევრებთან ხვედრას თავიდანვე ითხოვდა და არავინ უპასუხა:

"ერთ მთავარ კითხვას დავსვამ, როდესაც მმართველ გუნდს ვეხვეწე, რომ შემხვდით და მომისმინეთ, რატომ არავინ შემხვდა. თუნდაც ბატონ გიორგი გახარიას როდესაც მივმართე ტელევიზიით, რომ შეხვედრა მინდა-მეთქი, რატომ არ შემხვდა. რატომ ფიქრობთ რომ ნაციონალურ მოძრაობას მივეცი რამის უფლება. პირველ ეტაპზე პროკურორებს ვეხვეწებოდი, ძალოვან უწყებას ვეხვეწებოდი, მმართველ გუნდის წარმომადგენელია ხომ გახარია, მას ვეხვეწებოდი, შემხვდი-მეთქი, მაგრამ არაფრად ჩამაგდო. რატომ გგონიათ, რომ პოლიტიკური პარტიები დგანან ჩემ ზურგს უკან", – განაცხადა ზაზა სარალიძემ.

პარლამენტში ხორავას ქუჩაზე მკვლელობის საქმის დროებითი საგამოძიებო კომისიის მესამე სხდომა მიმდინარეობს.