უმრავლესობის სხდომის შემდეგ, რომელზეც სამთავრობო ცვლილებებს განიხილავდნენ, აკაკი ზოიძემ განაცხადა, რომ ახალი მთავრობის თვითმიზანი არ არის 14-დან 11 სამინისტროს დატოვება და შესაძლოა, ცვლილებები 3-ზე მეტ სამინისტროს შეეხოს.

ზოიძის თქმით, შეხვედრაზე განიხილეს რომელი სამინისტროები უნდა გაერთიანდეს და რა ცვლილებები უნდა გადანაწილდეს კორუფციის რისკების შესამცირებლად და ინფრასტრუქტურული პროექტების დასაჩქარებლად.

ზოიძის თქმით, განხილვები მომდევნო კვირაში დასრულდება და კონსულტაციები მინიმუმ 4 დღე გაგრძელდება.

სამთავრობო ცვლილებების განხილვა გრძელდება. უმრავლესობის დეპუტატების განცხადებით, დროებით მთავრობას მსჯელობა არ დაუსრულებია და ამ ეტაპამდე უცნობია ახალი მინისტრთა კაბინეტის შემადგენლობა.

პრემიერ-მინისტრობის კანდიდატად წარდგენის შემდეგ, მამუკა ბახტაძემ განაცხადა, რომ პრიორიტეტი მცირე ზომის, მაგრამ ოპერატიული და მოქნილი მთავრობა იქნება.

19 ივნისს კომიტეტების გაერთიანებულ სხდომებზე მინისტრობისა და პრემიერ-მინისტრობის კანდიდატებს უსმენდნენ. 20 ივნისს კი კენჭისყრაზე პარლამენტმა მთავრობას დაუჭირა მხარი. ბახტაძემ განაცხადა, ამჟამინდელი მთავრობა ძველი შემადგენლობით არის დროებითი.