შახტარის ბრაზილიელი ნახევარმცველი ფრედი კარიერას მანჩესტერ იუნაიტედში გააგრძელებს.

25 წლის ნახევარმცველის სანაცვლოდ მანჩესტერელები 47 მილიონ ფუნტს გადაიხდიან.

"ეს მსოფლიოს უდიდესი კლუბია და მიხარია, რომ მისი ნაწილი გავხდი. [...] მოურინიოსთან ერთად მუშაობა, ეს ის შესაძლებლობაა, რომელიც არ უნდა გაუშვა", - აღნიშნა ფეხბურთელმა.

თავად მოურინიოს თქმით კი ფრედი მანჩესტერელთა სუსტ მხარეებს აღმოფხვრის:

"იგი ზუსტად იმ თვისებებს ფლობს, რომელიც ძალიან გვჭირდება. მისი კრეატიული ტვინი და მოედნის ხედვა ჩვენს თამაშს ახალ განზომილებას შემატებს".

ფრედმა შახტართან ერთად ჩატარებულ 155 შეხვედრაში 15 გოლი გაიტანა.