საქართველოს პრეზიდენტის მრჩევლის, ფიქრია ჩიხრაძის განცხადებით, მინისტრთა კაბინეტს აკომპლექტებს ბიძინა ივანიშვილი. "ასე იყო წინა პერიოდში ასე არის დღესაც", - განაცხადა ჩიხრაძემ რუსთავი 2-ის ეთერში. მისი თქმით, ეს პროცესი იმ მასკარადის გაგრძელებაა, რაც ხელისუფლებაში ხდება.

ფიქრია ჩიხრაძემ მთავრობის ახალი პროგრამაც გააკრიტიკა და განაცხადა, რომ ის არ იყო ორიენტირებული პრობლემებზე, რომელიც საზოგადოებას აწუხებს.

"პროგრამა ყოველთვის ისეთია, რომ კარგი რამეები უნდა ჩაწერო და საზოგადოებას უნდა მოეწონოს. კვირიკაშვილი რომ წარდგა თავისი პროგრამით დიდი აღფრთხოვანება გამოიწვია. ახალ პროგრამას კი თავის მართლების პროგრამა ჰქვია. ქვეყანაში ბევრი პრობლემაა. მაგრამ მთავრობამ არ გააკეთა აქცენტი პრობლემებზე", - განაცხადა ფიქრია ჩირხაძემ.

მისი თქმით, ახალმა პრემიერობის კანდიდატმა ყურადღება ეკონომიკის მიმართულებაზე გაამახვილა, რათა ამით გამართლდეს კვირიკაშვილის გადაყენება.

20 ივნისს, პარლამენტის პლენარულ სხდომაზე გარდამავალი მთავრობის დამტკიცებას კენჭს უყრიან.