ევროპული საქართველოს წევრი და პარლამენტის საგამოძიებო კომისიის თავმჯდომარე, სერგი კაპანაძე დაინტერესდა, აიღებს თუ არა მამუკა ბახტაძე პოლიტიკურ პასუხისმგებლობას იმ შემთხვევაში თუ, კომისია ხორავას საქმეზე მინისტრების ბრალეულობას დაადგენს. კაპანაძემ დააკონკრეტა, რომ გულისხმობს იმ უწყებების მინისტრებს, რომელთა გადადგომასაც საზოგადოება ითხოვდა, ახლა კი მთავრობის ახალ გუნდშიც არიან.

პრემიერობის კანდიდატმა, მამუკა ბახტაძემ განაცხადა, რომ საგამოძიებო კომისიის შექმნა უკვე ნიშნავს პასუხისმგებლობის აღებას:

"არამხოლოდ მე, არამედ მთელმა პოლიტიკურმა გუნდმა, როდესაც ეს გადაწყვეტილება იქნა მიღებული, რომ შექმნილიყო დროებითი საგამოძიებო კომისია, რა თქმა უნდა, ავიღეთ პასუხისმგებლობა, რომ საგამოძიებო კომისიის ფარგლებში დადგენილიყო ჭეშმარიტება. ბატონო სერგი, რაც თქვენ უნდა გააკეთოთ იმაზე მთხოვთ პასუხს."

ხორავასა საქმეზე მიმდინარე გამოძიების გამო მაისში თბილისში არაერთი აქცია გაიმართა. აქციის მონაწილეები შინაგან საქმეთა მინისტრის, გიორგი გახარიას და იუსტიციის მინისტრის, თეა წულუკიანის პასუხისმგებლობის დაყენებას და მათ გადადგომას ითხოვდნენ.