გაერთიანებული კომიტეტების სხდომაზე, ნაციონალური მოძრაობის ლიდერმა, ნიკა მელიამ პრემიერობის კანდიდატი, მამუკა ბახტაძე ფარისევლობაში დაადანაშაულა, რაზეც ბახტაძემ განაცხადა "ფარისევლობა და ნაციონალური მოძრაობა ძალიან იდენტური ცნებებია."

მელიამ ბახტაძის მიერ, 2012 წელს ნაციონალური მოძრაობისთვის შეწირულ 20 000 ლარზე ესაუბრა:

"მარტივად ჩაგიდიათ ნაციონალური მოძრაობის კალათაში კვერცხი და ქართულ ოცნებაშიც და ან ერთი მოიგებს, ერთთან ვიქნები, მეორე მოიგებს, მეორესთან ვიქნები. ეს გააკეთეთ, მარტივად თქვით. ხედავ, იგრძნობა სიყალბე, ფარისევლობა, არადამაჯერებლობა"- განაცხადა მელია.

ერთიანი ნაციონალური მოძრაობის წევრის, თინა ბოკუჩავას კითხვაზე რატომ შესწირა ნაციონალურ მოძრაობას 20 ათასი ლარი ბახტაძემ განაცხადა, რომ მას ფული ნაციონალური მოძრაობისთვის არ შეუწირავს. მისივე თქმით, ის 2011 წლიდან ქართული ოცნების მხარდამჭერია და მისი პირად ანგარიში გადარიცხვისთვის ტექნიკურად გამოიყენეს.