რუსთაველის გამზირზე აქცია #ნუმომკლავ 16:00 საათის ნაცვლად, 17:00 საათზე დაიწყება. აქციის ერთ-ერთი ორგანიზატორის, ზვიად კუპრავას თქმით, რეგიონებიდან ხალხის დიდი ნაკადი მოდის და დროის გადაწევა მათ ჩამოსვლას უკავშირდება.

კუპრავამ ტვ პირველის ეთერში განაცხადა, რომ აქცია არ დაიშლება, უბრალოდ სახლში წავლენ და დაისვენებენ. კუპრავა აღნიშნა, რომ ამ ეტაპზე კარვების დამატების საჭიროება არ არის.

მისივე თქმით, აქციის დაშლა-არდაშლა ზაზა სარალიძისა და მალხაზ მაჩალიკაშვილის გადასაწყვეტია:

"ჩვენ ვართ მათი სურვილების აღმსრულებლები".

დაგეგმილ აქციასთან დაკავშირებით 16 საათიდან რუსთაველის გამზირზე მოძრაობა შეზღუდულია. მძღოლებს რუსთაველის გამზირის პარალელური ქუჩებით შეეძლებათ მოძრაობა.