შინაგან საქმეთა სამინისტრომ თბილისის #51-ე სკოლის მოსწავლეებს შორის შელაპარაკების საქმეზე გამოძიება ძალადობის მუხლით დაიწყო.

უწყების ინფორმაციით, #51-ე საჯარო სკოლის 10-ე კლასის მოსწავლემ ამავე სკოლის მე-12 კლასის მოსწავლეს ფეისბუქზე უცენზურო სიტყვები მისწერა, რაც მათი კამათის მიზეზი გახდა. სიტუაციის გარკვევის მიზნით ერთმანეთს, მეგობრებთან ერთად გურგულიას ქუჩაზე შეხვდნენ.

როგორც შსს განცხადებაში წერს, მათ შორის მხოლოდ სიტყვიერი შელაპარაკება მოხდა, რის შემდგომაც ისინი შერიგდნენ. მოზარდებს შორის ფიზიკურ დაპირისპირებას ადგილი არ ჰქონია.

გამოძიების ფარგლებში უკვე გამოკითხეს ინცინდენტში მონაწილე არასრულწლოვნები და მანდატურები. შსს-ს განმარტებით, დღის განმავლობაში, ასევე, გამოიკითხებიან #51-ე საჯარო სკოლის მასწავლებლები და ინციდენტის შემსწრე არასრულწლოვნები.