პრემიერ-მინისტრის პრესსამსახურის განცხადებით, კვირიკაშვილი მზად არის შეხვდეს ხორავას ქუჩაზე დაღუპულთა ოჯახებს.

"პრემიერ-მინისტრი მზად არის, მიმდინარე გამოძიებასთან დაკავშირებულ საკითხებზე სასაუბროდ, რა თქმა უნდა, პოლიტიკურად ანგაჟირებული პირების მონაწილეობის გარეშე, პირადად შეხვდეს ხორავას ქუჩაზე მოკლული ორივე მოზარდის მშობლებს; მათი სურვილის შემთხვევაში - სახალხო დამცველთან ერთადაც", - წერია განცხადებაში.

კვირიკაშვილთან შეხვედრის სურვილი გუშინ ზაზა სარალიძემ გამოთქვა. რის შემდეგაც ვაშაძემ განაცხადა, რომ მთავრობის ადმინისტრაციასთან ამ საკითხზე შეთანხმება არ ყოფილა და მიზანი დიალოგის დაწყებაა. მისივე განმარტებით, შეხვედრის მიზანია მთავრობის გადადგომა.