მადრიდის რეალის ხელმძღვანელობას კლუბის ახალი მწვრთნელის თანამდებობაზე მაურისიო პოჩეტინო სურს, ამ ინფორმაციას Sky Sports-ი ავრცელებს. თუმცა იქვე ისიც ნათქვამია, რომ რეალის წარმომადგენლებს არც პოჩეტინოსთან და არც ტოტენჰემის წარმომადგენლებთან არანაირი სახის საუბარი არ ჰქონიათ.

შესაბამისად, სიტყვიერი შეთანხმებაც არ მიღწეულა.

ასევე საუბარია ანტონიო კონტეს, არსენ ვენგერისა და გუტის კანდიდატურაზეც.

ზინედინ ზიდანმა რეალის მთავარი მწვრთნელის თანამდებობა გუშინ, 31 მაისს დატოვა და მან მიზეზად ის დაასახელა, რომ გუნდს "ახალი სიტყვა" სჭირდება და რომ მასთან ერთად მადრიდელებს მორიგი წარმატების მიღწევა გაუჭირდებათ.