პარლამენტის თავმჯდომარემ, ირაკლი კობახიძემ ბრიფინგზე განაცხადა, რომ ხორავას ქუჩის საქმეზე საპარლამენტო საგამოძიებო კომისია შეიქმნება. კომისიის შექმნის ინიციატივა ევროპულმა საქართველომ წამოაყენა.

"პარლამერნტი დღეიდან უშუალოდ ჩაერთვება გამოძიებაში. ყველაფერს გავაკეთებთ იმისატის, რომ ამ საქმეზე მართლმსაჯულება სრულად აღსრულდეს", - განაცხადა კობახიძემ.

ეს არის პირველი შემთხვევა, როდესაც სისხლის სამართლის დაუსრულებელ საქმეზე საპარლამენტო საგამოძიებო კომისია იქმნება.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.

საგანგებო ბრიფინგზე, მთავარმა პროკურორმა, ირაკლი შოთაძემ განაცხადა, რომ სასამართლოს განაჩენს არ იზიარებს და პროკურატურა მას გაასაჩივრებს. პროკურატურა გეგმავს საქმეში შვეიცარიელი ექსპერტები და უცხოელი, ცნობილი პროკურორები ჩართონ.

გაგეთ მეტი: