საქართველოს მთავარი პროკურორის, ირაკლი შოთაძის თქმით, ვინმეს ე.წ. ხორავა საქმესთან დაკავშირებით გამოძიებასთან თანამშრომლობა თუ უნდა, ამის შესაძლებლობა არსებობს. მისი განმარტებით, ამ საქმეში მონაწილე არასრულწლოვნები დაკავებიდან ექსვის თვის განმავლობაში იყენებდნენ დუმილის უფლებას, რამაც არ მისცა სრულყოფილი გამოძიების უფლება.

"არცერთ ბრალდებულს არ უხსენებიათ სიტყვა "დანა". შესაბამისად, ისინი სრულყოფილად არ თანამშრომლობდნენ გამოძიებასთან. ჩვენ აუცილებლად დავკითხავთ ბრალდებულებს ამ გამოძიების ფარგლებში და იმედს ვიტოვებ, რომ ითანამშრომლებენ გამოძიებასთან", - განაცხადა შოთაძემ.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.