მას შემდეგ, რაც ხორავას ქუჩაზე მოკლული დავით სარალიძის მამამ, ზაზა სარალიძემ მთავარ პროკურორთან, ირაკლი შოთაძესთან შეხვედრის გადაწყვეტილება მიიღო, პროკურორთან შემხვედრი ადამინების სია შედგა.

"სია მიეცით ირაკლი შოთაძეს, მასთან შესახვედრად შვილმკვდარი მშობლები შევდივართ", - თქვა სარალიძემ სიის შედგენის შემდეგ.

ადევნეთ თვალი On.ge-ს პირდაპირ ეთერს პროკურატურის მიმდებარე ტერიტორიიდან.

რამდენიმე წუთის წინ მთავარმა პროკურორმა, ირაკლი შოთაძემ ბრიფინგი გამართა და აღნიშნა, რომ სასამართლო გადაწყვეტილებას არ ეთანხმება და საქმეში უცხოელი ექსპერტები და პროკურორები ჩაერთვებიან.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.