"პარლამენტი კი არა კანტორაა", - ამ რეპლიკით დატოვა პარლამენტის ბიუროს სხდომა საქართველოს საპარლამენტო უმცირესობამ. რეპლიკის ავტორი საქართველოს პარლამენტის დეპუტატი, ელენე ხოშტარია იყო.

ამ რეპლიკაზე საპასუხოდ საქართველოს პარლამენტის თავმჯდომარემ, ირაკლი კობახიძემ უპასუხა. მისი თქმით, პარლამენტი "კანტორა" ნაციონალური მოძრაობის ხელისუფლების დროს იყო, როცა საგამოძიებო კომისია გირგვლიანის საქმეზეც არ შეიქმნა. თუმცა კობახიძემ განმარტა, რომ ხორავას ქუჩის საქმე და გირგვლიანის საქმე განსხვავებულია.

პარლამენტის ბიუროს სხდომაზე საგამოძიებო კომისიის შექმნის საკითხი ევროპულმა საქართველომ დააყენა. ჯერ უცნობია რა გადაწყვეტილება მიიღება ამ საკითხთან დაკავშირებით. კომისიის შექმნას ეთანხმება ქართული ოცნების დეპუტატი, რომან კაკულია.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.