თბილისის მერის, კახა კალაძის თქმით, 10 აპრილიდან, ანუ C.T.Park-ის სახელმწიფო კომპანიით ჩანაცვლების შემდეგ პარკირების წესების დარღვევაზე 36 816 ჯარიმა გამოიწერა. ჯამურად ჯარიმების მოცულობა 368 ათას ლარზე მეტია. ამის შესახებ კალაძემ თბილისის მთავრობის სხდომაზე ისაუბრა.

მისი თქმით, ამავე პერიოდში, 237 ავტომობილი გადაიყვანეს ევაკუატორით, ხოლო პარკირების სერვისის მომხმარებლების მხრიდან შესყიდულია 20 800 საშვი და გადახდილია 520 000 ლარი.

"აქაც გვახსოვს, როგორი დამოკიდებულება იყო. გვეუბნებოდნენ, რომ ქალაქში კოლაფსი იქნებოდა და ჩვენ ვერ განვახორციელებდით პარკირების მენეჯმენტს. სატრანსპორტო კომპანიას მადლობა ვუთხრა, რომ ის წარმატებით ახორციელებს დაკისრებულ მოვალეობას", - განაცხადა კახა კალაძემ.

ამავე თემაზე: