გერმანიის ქალაქ მიუნხენის სავაჭრო ცენტრ ოლიმპიაზე თავდასხმის შედეგად ათი ადამიანის გარდაცვალება დასტურდება.

ადგილობრივი პოლიციის ცნობით, დაშავებულია მინიმუმ ათი ადამიანი.

ჯერ-ჯერობით კვლავ ცნობია რა გახდა თავდასხმის მიზეზი. თუმცა, მოწმეების ჩვენების მიხედვით, თავდამსხმელი ყვიროდა, რომ გერმანელი იყო და ემიგრანტებისა და უცხოელების საწინააღმდეგო განცხადებებს აკეთებდა.

პოლიცია ამ დრომდე ეძებს თავდამსხმელებს. მათი ვარაუდით, მასობრივ მკვლელობაში 1 - 4 ადამიანი მონაწილეობდა, რომლებმაც შემთხვევის ადგილიდან მიმალვა შეძლეს.

ქალაქ მიუნხენში ამ დრომდე არ მუშაობს საზოგადოებრივი ტრანსპორტი. პოლიცია და დამხმარე ძალები საგანგებო რეჟიმში მუშაობენ. ძალოვნები მოქალაქეებს სახლში დარჩენისა და საზოგადოებრივი შეკრების ადგილებში მისვლისგან თავის შეკავებისკენ მოუწოდებენ.

პოლიციამ სპეციალური საიტი გაუშვა და მოქალაქეებს სთხოვს დანაშაულის მიმდინარეობის დროს გადაღებული ფოტო და ვიდეო მასალა იქ ატვირთონ და არ გაავრცელონ სოციალური ქსელებით.

გერმანიის კანცლერმა, ანგელა მერკელმა უსაფრთხოების საბჭოს საგანგებო სხდომა ხვალ დილისთვის დანიშნა.

მომხდარზე პასუხისმგებლობა ჯერ-ჯერობით არც ერთ ორგანიზაციას არ აუღია.