აპოლონ ქუთათელაძის სახელობის თბილისის სამხატვრო აკადემიაში საქართველოს ინოვაციების და ტექნოლოგიების ბაზაზე შექმნილი კიდევ ერთი ფაბ-ლაბი (სამრეწველო ინოვაციების ლაბორატორია) გაიხსნა.

ფაბ-ლაბი განთავსებულია სამხატვრო აკადემიის ერთ-ერთ კორპუსში, რომელიც ვაკეში, ყიფშიძის ქუჩაზე #34-ში მდებარეობს.

სამხატვრო აკადემიის სამრეწველო ინოვაციების ლაბორატორია აღჭურვილია ულტრათანამედროვე აპარატურით, 3D პრინტერებით, ლაზერული მჭრელებით, პროგრამირებადი ჩარხებით და სხვა მაღალტექნოლოგიური აპარატურით.

ფოტო: კულტურის სამინისტრო

ფაბ-ლაბში არის საერთო სამუშაო სივრცე. ლაბორატორია ფიზიკურ პირებსა და კომპანიებს სხვადასხვა ინოვაციური პროდუქტის ტესტირების საშუალებას მისცემს. ლაბორატორიის ბაზაზე სხვადასხვა პროდუქტის პროტოტიპირება და მათი მცირე რაოდენობით წარმოება იქნება შესაძლებელი.

ფოტო: კულტურის სამინისტრო

საქართველო 2015 წელს ფაბ-ლაბების მსოფლიო სიმპოზიუმზე გახდა ე.წ. ფაბ-ქვეყანა. ამ სტატუსის მატარებელ ქვეყანას აქვს საშუალება, ცოდნაზე დაფუძნებული ეკონომიკის მშენებლობის უნიკალური მოდელი გამოიყენოს.

ამჯერად ფაბ-ლაბები ფუნქციონირებს ბათუმში, შოთა რუსთაველის სახელობის და ქუთაისში, აკაკი წერეთლის სახელობის უნივერსიტეტებში.

ფაბ-ლაბების ქსელის გახსნა 2016 წლის ბოლომდე იგეგმება სხვადასხვა რეგიონებში, მათ შორის ზუგდიდში.

ფოტო: კულტურის სამინისტრო

ფოტო: კულტურის სამინისტრო

ფოტო: კულტურის სამინისტრო