საქართველოს პარლამენტის წინ, ხორავას ქუჩაზე მოკლული არასრულწლოვნის მამის მიერ ორგანიზებული აქცია ამ დრომდე გრძელდება. აქციაზე მოსული ხალხის სიმრავლის გამო რუსთაველის გამზირი სრულად გადაიკეტა.

ზაზა სარალიძის პროტესტს უერთდება საზოგადოების ნაწილი. მათ შორის თემირლან მაჩალიკაშვილის ოჯახი, რომელიც დღევანდელი დღის გამო პანკისიდან საგანგებოდ ჩამოვიდა.

მოკლული დავით სარალიძის მამა ზაზა სარალიძე ამბობს, რომ მისი შვილის მკვლელებს მფარველობენ კონკრეტული მაღალჩინოსნები.

აქციაზე ადვოკატმა ზვიად კუპრავამ რამდენიმე მოთხოვნაც წამოაყენა, რომელიც გამოძიებიც ობიექტურად წარმართვასა და იმ კითხვებზე პასუხის გაცემას უკავშირდება, რომელიც საქმეში არსებობს.

ზვიად კუპრავას მიაჩნია, რომ პროკურატურა მალავს მტკიცებულებებს და ხელს აფარებს დამნაშავეებს.

აქციაზე ერთმანეთს ენაცვლებიან მოსწავლეები, ჟურნალისტები, სტუდენტები. ისინი სამართლიანობას მოითხოვენ.