BBC-ის ინფორმაციით, ნიცის ტერაქტში თანამონაწილეობისთვის საფრანგეთში ხუთ ეჭვმიტანილს წაუყენეს ბრალი. დაკავებულებს შორისაა 4 მამაკაცი და ერთ ქალი, რომლებსაც ტერორისტული აქტის განსახორციელებლად, სატვირთოს მძღოლის დახმარება ედებათ ბრალად.

ფრანგი პროკურორის ფრანსუა მოლინსის თქმით, ერთ-ერთი ეჭვმიტანილი, მეორე დღეს შემთხვევის ადგილზე დაბრუნდა და ტერაქტის შედეგებს იღებდა.

ტუნისელმა ფრანგმა მუჰამედ ბოულელმა 84 ადამიანი დიდი დატვირთო მანქანით გაიტანა, მაშინ როდესაც სანაპიროს გასწვრივ შეკრებილები ბასტილიის აღების დღეს აღნიშნავდნენ.

პროკურორის თქმით, დაკავებული პირები ტერაქტის მომწობს ლოჯისტიკურ საკითხებში ეხმარებოდნენ და თავდასხმას თვეების განმავლობაში გეგმავდნენ.

როგორც მოკლული ტეორისტი მუჰამედ ბოულელი, ასევე დაკავებული სამი პირი წარმოშობით ტუნისიდანაა, კიდევ ერთი პირი ალბანელი, ხოლო ქალს ორმაგი წარმომავლობა აქვს და ალბანელი ფრანგია. ამ უკანასკნელს ბრალად ედება თავდამსხმელის იარაღით მომარაგება. მის წინააღმდეგ გამოძება მიმდინარეობს მართლსაწინააღმდეგო იარაღის შესახებ, რომელსაც ტერორისტულ დაჯგუფებასთან აქვს კავშირი.

16 ივლისს ISIS-ის მიერ კონტროლირებულ მედიამ, Amaq Agency-მ კი, განაცხადა, რომ ე.წ. ისლამური სახელმწიფოს მებრძოლი ნიცაში განხორციელებული ტერაქტის შედეგად დაიღუპა. მიუხედავად ამისა, საფრანგეთის პოლიციის ძებნილთა სიაში, სატვირთოს მძღოლი არ აღმოჩნდა.

14 ივლისს ფრანგული ზღვისპირა ქალაქში 31 წლის ტუნისელმა ფრანგმა საბრძოლო მასალით დატვირთული სატვირთო მანქანით ხალხის მასაში შევარდა და თითქმის 2 კილომეტრი გაიარა. დაიღუპა 84 ადამიანი, მათ შორის არიან ბავშვებიც.

აღნიშნულის გამო, საფრანგეთმა საგანგებო მდგომარეობა, რომელიც ივლისის ბოლოს უნდა დასრულებულიყო, კიდევ 3 თვით გააგრძელა.