რიოს 2016 წლის ოლიმპიადაზე რუსეთმა ვერ შეძლო საკუთარი სპორტსმენების აღდგენა, შესაბამისად, ისინი მომავალ თვეში გამართულ შეჯიბრში მონაწილეობას ვერ მიიღებენ. ინფორმაციას BBC ავრცელებს.

მძლეოსნობის სახეობაში მონაწილე რუსი სპორტსმენები, ოლიმპიადიდან, აკრძალული ნივთიერებების გამოყენების გამო, გასული წლის ნოემბერში მოხსნეს.

რიოს ოლიმპიურ თამაშებზე რუს სპორტსმენების ნაწილს მონაწილეობის მიღება ნეიტრალური სტატუსით შეეძლებათ.

"სამწუხაროა, თუმცა წესებს პატივი უნდა ვცეთ. დოპინგ ტესტის დარღვევა ნამდვილად ცუდია. წესების გადახვევით კი, უამრავ ადამიანს შეაშინებ" - განაცხადა ოლიმპიურმა ჩემპიონმა და იამაიკელმა სპორტსმენმა იუსეინ ბოლტმა.

რუსმა სპორტსმენმა ელენა ისინბაევამ კი, რომელმაც 2012 წელს ოქროს მედალი მოიპოვა, აღნიშნა, რომ წესების გამკაცრება აშკარად პოლიტიკური დაკვეთა იყო:

"გილოცავთ, ეს სპორტსმენების დაკრძალვაა".

რიო-დე-ჟანეიროს XXXI ზაფხულის ოლიმპიური თამაშები 5-26 აგვისტოს გაიმართება.

გაიგეთ მეტი:

IAAF-მა რუსი ათლეტების ოლიმპიადიდან დისკვალიფიკაცია ძალაში დატოვა