რუსთავი 2-ის გენერალური დირექტორი საპატრიარქოს განხადების გავრცელების შემდეგ, გიორგი გაბუნიას და არხის სხვა თანამშრომლების უსაფრთხოებაზე და ქვეყანაში ცენზურაზე პასუხისმგებლობას მათვე აკისრებს. ამის შესახებ გვარამიამ On.ge-სთან ისაუბრა:

"დღეიდან სრული პასუხისმგებლობა იმაზე, რომ ქართულმა ოცნებამ ერთგვარი ლეგიტიმური მიზეზი იპოვა იმისა, რომ ბოიკოტი გამოუცხადოს რუსთავი 2-ს ეკისრება საქართველოს საპატრიარქოს, რომელიც პოლიტიკურ პროცესებში ჩაერია ამ განცხადებით და დაარღვია სეკულარული სახელმწიფოს პრინციპები."

გვარამიას თქმით, საპატრიარქოს სახელით მოლაპარაკე პირები აზიანებენ ეკლესიასა და სახელმწიფოს:

"მოვუწოდებ საქართველოს ყველა პროგრესულად მოაზროვნე სახელმწიფოს და ეკლესიის გულშემატკივარს, სამღვდელო პირს მაქსიმალურად სწრაფად მოევლოს იმ ვითარებას, როდესაც საპატრიარქოს სახელით საუბრობენ ყველაზე უფრო დეგრადირებული, რეტროგრადული აზროვნების ადამიანები, რაც აზიანებს ეკლესიას და სახელმწიფოს."

საქართველოს საპატრიარქომ დღეს, 24 მაისს განცხადება გაავრცელა, რომლითაც სამღვდელოებას მოუწოდა რუსთავი 2-ს ბოიკოტი გამოუცხადონ. ამის მიზეზად საპატრიარქო რელიგიური გრძნობების შეურაცხყოფას ასახელებს.

ამავე მოტივით რუის-ურბნისის მიტროპოლიტმა იობმა, ეკლესიაში ქადაგებისას, გიორგი გაბუნია შეაჩვენა და დაწყევლა.

ამავე თემაზე: