სიღნაღის რაიონულმა სასამართლომ ცოლის ცემაში ბრალდებულ ქმარს 1 წლით და 9 თვით თავისუფლების აღკვეთა განუსაზღვრა.

პროკურატურის განმარტებით, 2018 წლის 20 თებერვალს, ქალაქ საგარეჯოში, ოჯახში ძალადობისთვის ნასამართლევმა ქმარმა ცოლზე ფიზიკურად იძალადა, რის შედეგადაც დაზარალებულმა ფიზიკური ტკივილი განიცადა.

გამოძიება მიმდინარეობდა 1261 მუხლის მეორე ნაწილის "ე" ქვეპუნქტით, რაც ოჯახში ძალადობას გულისხმობს.