თბილისში, მეტროსადგურ რუსთაველთან მეტროს მემანქანეების მხარდასაჭერი აქცია დაიწყო. აქციაზე მისულია რამდენიმე ათეული ადამიანი და სოლიდარობას უცხადებს მათ.

ერთ-ერთი მეტროს მემანქანის თქმით, სასამართლოს მიერ მათი გაფიცვის უვადოდ აკრძალვის მიუხედავად, არ აპირებენ უსამართლო გადაწყვეტილების შესრულებას.

ადევნეთ თვალი On.ge-ს პირდაპირ ეთერს მეტროსადგურ რუსთაველის მიმდებარე ტერიტორიიდან.

მემანქანეთა გაფიცვა

შპს თბილისის სატრანსპორტო კომპანიასთან კოლექტიური შრომითი დავა რამდენიმე თვეა მიმდინარეობს, რომლის ფარგლებში მიმდინარე მოლაპარაკებების წარუმატებლობის გამო, მეტროს თანამშრომლებმა კანონმდებლობით დადგენილი წესით 2018 წლის 3 მაისს გაფიცვა დააანონსეს, რომელიც თბილისის საქალაქო სასამართლოს მიერ 30 დღის ვადით 2018 წლის 3 ივნისამდე გადაიდო.

2018 წლის 21 მაისს თბილისის საქალაქო სასამართლომ, ამჯერად განუსაზღვრელი ვადით შეზღუდა პროფესიულ გაერთიანების წევრი მეტროს მემანქანეების გაფიცვაში მონაწილეობის მიღების უფლება "სამუშაო საათების განმავლობაში".