იურგენ კლოპის ფინალების სტატისტიკა

26 მაისს ლივერპულს ჩემპიონთა ლიგის ფინალში რეალთან დაპირისპირება მოუწევს. მანამდე კი, შეგვიძლია, გადავხედოთ იურგენ კლოპის მიერ ჩატარებული ფინალების შედეგებს.

თავისი სამწვრთნელო კარიერის განმავლობაში კლოპმა ექვსი თასის ფინალში მოახერხა თამაში და აქედან მხოლოდ ერთის მოგება შესძლო.

მივყვეთ ეტაპობრივად:

2012 წელი, გერმანიის თასი - ბორუსია 5 - 2 ბაიერნი (გამარჯვება)

2012 წელს კლოპი პირველად გავიდა თასის ფინალში. ამ ფინალამდე რამდენიმე კვირით ადრე დორტმუნდელებს ბუნდესლიგა ჰქონდათ მოგებული. მათთვის თასის ფინალიც წარმატებული გამოდგა, დაამარცხეს რა ბაიერნი ანგარიშით 5-2.

2013 წელი, ჩემპიონთა ლიგა - ბორუსია 1 - 2 ბაიერნი (მარცხი)

2012-13 წლების სეზონი დორტმუნდელებისთვის არც თუ ისე კარგად დასრულდა. უემბლიზე, ჩემპიონთა ლიგის ფინალის გერმანულ დაპირისპირებაში მათ თასი მიუნხენელებს დაუთმეს.

2014 წელი, გერმანიის თასი - ბორუსია 0 - 2 ბაიერნი (მარცხი)

ამ მატჩამდე რამდენიმე კვირით ადრე პეპ გვარდიოლას ბაიერნს ბორუსიამ 3:0 მოუგო, თუმცა გერმანიის თასის ფინალში მათ ამის გამეორება ვერ მოახერხეს. მეტიც, ორბურთიანი სხვაობითაც დამარცხდნენ.

2015 წელი, გერმანიის თასი - ბორუსია 1 -3 ვოლფსბურგი (მარცხი)

იურგენ კლოპის ბოლო სეზონი დორტმუნდში. ბორუსია მეშვიდეადგილოსან ვოლფსბურგს შეხვდა და თასის ფინალი მორიგი მარცხით დაასრულა.

2016 წელი, კარაბაოს თასი - ლივერპული 1 - 1 სიტი (მარცხი პენალტების სერიაში)

მერსესაიდში გადაბარგებიდან ოთხ თვეში კლოპს შანსი მიეცა, რომ ლივერპულისთვის ტიტული მოეტანა, თუმცა კარაბაოს თასის ფინალური შეხვედრის პენალტების სერიაში "წითლებს" ბედმა უმტყუნათ და თასი პელეგრინის შეგირდებს დარჩათ.

2016 წელი, ევროპის ლიგა - ლივერპული 1 - 3 სევილია (მარცხი)

ევროპის ლიგის ფინალისკენ მიმავალ გზაზე ლივერპულმა მანჩესტერი და ბორუსია დაამარცხა. ფინალურ შეხვედრაში პირველი გოლი დანიელ სტარიჯმა გაიტანა და მერსესაიდელები დააწინაურა, თუმცა მეორე ტაიმში სევილიამ ძალების მოკრება და 3 გოლის გატანა მოახერხა. მატჩის შემდეგ კლოპი ამბობდა, რომ წაგებაზე პასუხისმგებელი თვითონ იყო.

ბოლო ამბები:

გირჩევთ