აშშ-ს საპარლამენტო არჩევნებში, რესპუბლიკელების კანდიდატის დონალდ ტრამპის განცხადებით, მისი არჩევის შემთხვევაში, შტატები ნატოს წევრი ქვეყნების დაცვის გარანტიას მოხსნის.

New York Times-თან ინტერვიუში ტრამპი აცხადებს, რომ აშშ მხოლოდ იმ შემთხვევაში დაეხმარება მოკავშირე ქვეყნებს, თუკი ისინი სრულად შეასრულებენ შტატების მიმართ ვალდებულებებს. მისივე თქმით, თავდაპირველად იგი ალიანსის მიმართ კონკრეტული ქვეყნის კონტრიბუციას გადახედავს.

ნატოს წევრ ქვეყნების ერთობლივი შეთანხმების თანახმად, ისინი ალიანსის ნებისმიერ წევრს, სამხედრო თავდასხმის დროს დაეხმარებიან.

ნატოს წევრ ბალტიის ქვეყნების მიმართ, რუსეთის აგრესიაზე დასმულ შეკითხვაზე, დაეხმარება თუ არა მათ ამერიკა, ტრამპმა უპასუხა, რომ თუკი რუსეთი შეუტევს მათ, ის მას შემდეგ გადაწყვეტს მათ დახმარებას, თუკი შესრულებული ექნებათ შტატების მიმართ ვალდებულებები:

"თუკი მათ შესრულებული ექნებათ თავიანთი ვალდებულებები, პასუხი არის - კი".

დონალდ ტრამპმა ასევე განაცხადა, რომ აშშ-მ ჯერ "საკუთარ შიდა არეულობას" უნდა მიხედოს, სანამ სხვა ქვეყნებს "ასწავლის".