თეთრი ხმაურის მოძრაობის კონტრაქციის ერთ-ერთი ორგანიზატორი, გიორგი გაბედავა სასამართლომ 450 ლარით დააჯარიმა. ამის შესახებ On.ge-ს საქალაქო სასამართლოში განუცხადეს.

გაბედავა აღნიშნავს, რომ ჯარიმის გადახდას არ აპირებს, რადგან მის დაკავებას უსამართლოდ მიიჩნევს.

საზოგადოებრივი მაუწყებლის ცნობით, მოსამართლე ნინო ჭალიძემ აქციის კიდევ 10 მონაწილე 400 ლარით დააჯარიმა, ორი - 250 ლარით, სამი კი 300 ლარით.

შინაგან საქმეთა სამინისტრო დაკავებულებს ადმინისტრაციულ სამართალდარღვევათა კოდექსის 173-ე და 166-ე მუხლებს ედავება, რაც წვრილმან ხულიგნობას, სამართალდამცველთა მიმართ წინააღმდეგობის გაწევასა და დაუმორჩილებლობას გულისხმობს.