საქართველოს პარლამენტთან მიმდინარე კონტრაქციას ნეო-ნაცისტური დაჯგუფების, ქართული მარშის წევრები შეუერთდნენ.

ისინი კონტრაქციას სწორედ იმ ტერიტორიაზე შეუერთდნენ, სადაც პოლიციის კორდონის გარღვევას ცდილობდნენ.

დაძაბულობის პარალელურად, შს მინისტრი თეთრი ხმაურის მოძრაობის წევრებს საქართველოს პარლამენტში ხვდება.უცნობია, ვინ იმყოფება შს მინისტრთან ერთად შეხვედრაზე.

გიორგი გახარიამ ტელეკომპანია იმედის ეთერით პარლამენტთან მიმდინარე ორივე აქციის მონაწილეებს მიმართა და მოუწოდა პოლიციას საკუთარი მოვალეობის შესრულების საშუალება მისცენ.

რუსთაველის გამზირზე მობილიზებულია სპეცრაზმი და წყლის ჭავლის მანქანები. მდგომარეობა დაძაბულია, უცნობია, როგორ განვითარდება მოვლენები.

On.ge აკვირდება მდგომარეობას პარლამენტთან და დამატებით ინფორმაციას ლაივრეჟიმში მოგაწვდით.